விதி செய்த சதி
வந்தோம் நடு வீதி
வரவேற்றது புழுதி
வந்து சேர்ந்தது வியாதி
வறுமை எங்கள் அகராதி
வலுச்சேர்த்தது என் சாதி
கழுத்தை அடைத்தது கடன்
துரத்தி விட்டது பிள்ளையுடன்
உரத்துக்கேட்கிறது பசியின் குரல்
உயிர் வரை உலுப்புது சாவின் நிழல்
வறுமைக்கோட்டில் மட்டுமே நடந்தோம்
உரிமை கேட்டதால் உதைபட்டு வீழ்ந்தோம்
பெருமையோடு எம்மை சேர்த்தது வீதி
பிறந்த நாட்டிலும் எமக்கு இதுதானா நீதி
புரட்சிகள் எல்லாம் வீதியில் இறங்கியும்
வறட்சி மட்டுமே எங்கள் வாழ்வாகி போனது.
இணையத்தில் பகிராமல் இதயத்தில் பகிருங்கள் -நாளை
நடுவீதி வேண்டாம் எனும் நல்நீதி வேண்டும்.
நன்றி.
ஆர்.ஜே.பிரகலாதன்.
2016.06.06.
